बर्ष २०८१ को अन्तिम दिन तथा साताको पहिलो कारोबार दिन आज नेपाल स्टक एक्सचेञ्च मान्य अंकले घटेको छ  । आज नेप्से परिसूचक ८.६२ अंकले घटेर २ हजार ६६२.०८ विन्दुमा बन्द भएको छ ।
 आइतबार ३३२ वटा स्क्रिप्टको १ करोड ३१ लाख ८९ हजार ३२८ कित्ता सेयर ६ अर्ब २८ करोड २ लाख रुपैयाँभन्दा बढीको कारोबार भएको  छ । नेप्सेमा सूचीकृत १३ वटा समूहमध्ये ४ वटा बाहेक अन्य समुह घटेको छ । आज लगानी समूहमा सर्वाधिक १.८४ प्रतिशतले बढेर १११.३८ विन्दुमा पुगेको छ ।  

 आज  सिईडिबि होल्डिङको सर्वाधिक ४५ करोड ३२ लाख बढीको कारोबार भयो । त्यस्तै, एनआरएन इन्फ्रास्ट्रक्चरको ४४ करोड ४६ लाख, राधि विद्युत कम्पनीको ४३ करोड ८२ लाख र हिमालयन रि इन्स्योरेन्सको आज ३९ करोड ३४ लाख बढीको सेयर कारोबार भएको नेप्सेले जनाएको छ ।  
 बर्षको अन्तिम दिन कारोबार भएका २ वटा कम्पनीको सेयरमूल्यमा  सर्किट लागेको छ । नेपाल माइक्रो इन्स्योरेन्स र क्रेष्ट माइक्रो लाइफको सेयरमूल्यमा अपर सर्किट लाग्यो भने  त्रिशुली जलविद्युतको सेयरमूल्य  ५.७८ प्रतिशत र राधी विद्युत कम्पनीको सेयरमूल्य ४.७६ प्रतिशतले बढ्यो ।  

विन नेपाल लघुवित्तको सेयरमूल्य आज सर्वाधिक अर्थात १० प्रतिशतले घट्यो । त्यस्तै, सिन्धु विकास बैंकको सेयरमूल्य पनि ९.९९ प्रतिशत,बलेफी हाईड्रोपावरको ९.९८ र गार्डियन माइक्रो लाइफको सेयरमूल्य ७.२० प्रतिशतले घटेर बन्द भएको छ ।