काठमाडौं । साताको बुधबार नेप्से परिसूचक ९.६६ अंकले बढेर २ हजार ६९६.२८ विन्दुमा पुगेको छ ।  बढेको बजारमा यो दिन ४ अर्ब ४८ करोड रुपैयाँको कारोबार भएको छ। सर्वाधिक कारोबार हुने कम्पनीमा एनआरएन इन्फाष्ट्रचर ४२ करोड ७५ लाख रुपैयाँको कारोबार भएको छ । त्यस्तै, सिइडीबी होल्डिङको ३० करोड २२ लाख रुपैयाँको कारोबार भएको छ । त्यस्तै आजबाट पहिलो कारोबारमा आएको नेपाल माइक्रो इस्न्योरेन्सको शेयर मूल्यमा करिब १० प्रतिशतले सर्किट लागेको छ । बोटलर नेपाल, सोल्टी होटल र न्यादी ग्रुप पावर कम्पनीको शेयर मूल्य ४।१७ प्रतिशत माथिले बढेको छ।

 यो दिन सिन्धु विकास बैंक र अपर हेवा खोला हाइड्रो पावर कम्पनीको शेयर मूल्य २.६० प्रतिशतदेखि ८.०५ प्रतिशतसम्मले घटेको छ । यो दिन कारोबारमा आएका १३ वटै उप समूहको सूचक बढेका छन् ।