नेशनल माइक्रोफ़ाइनान्स लघुवित्त बित्तिय संस्था लिमिटेडले   गत आर्थिक वर्षसम्मको कमाईबाट १५ प्रतिशत लाभांश दिने प्रस्ताव गरेको छ । नेपाल स्टक एक्सचेन्ज मार्फत दिइएको जानकारी अनुसार प्रस्तावित लाभांशअनुसार १४ दशमलब २५ प्रतिशत बोनस सेयर र कर प्रयोजनका लागि शुन्य दशमलब ७५ प्रतिशत नगद लाभांश रहेको छ। लघुवित्तले करिब १७ करोड ४८ लाख रुपैयाँ बराबरको लाभांश प्रस्ताव गरेको हो। 

लघुवित्तको कात्तिक ८ गते बसेको संचालक समितिको १७९ औं बैठकले लाभांश प्रस्ताव गरेको हो।   यसअवधिमा लघुवित्तको चुक्तापुंजी १ अर्ब १६ करोड रहेको छ। 

लाभांश प्रस्ताव नेपाल राष्ट्र बैंक र लघुवित्तको बार्षिक साधारणसभाले स्वीकृत गरे पश्चात तोकिएको मितिसम्म कायम शेयरधनीहरुले प्राप्त गर्नेछन। लघुवित्तले पछि अलग्गै सुचना जारी गरेर साधारणसभा र बुक क्लोजको मिति तय गर्नेछ।