साझा अर्थ संवाददाता
२१ वैशाख २०८२, आइतवार
काठमाडौं । साताको पहिलो दिन सेयर बजार नेप्से ३.४४ अंकले घटेपछि कारोबार सवा ९ अर्बको भएको छ । आज ०.१३ प्रतिशतले बजार घट्दा नेप्से परिसूचक २६२०.३९ अंकमा रोकिएको छ ।
आज ३२२ कम्पनीका २ करोड १९ लाख ५ हजार ३ सय ११ कित्ता शेयर किनबेच हुँदा ९ अर्ब २४ करोड ५५ लाख ८३ हजार ३ सय १५ रुपैयाँको शेयर किनबेच भयो ।
आइतबार नेपाल माइक्रो, क्रेस्ट माइक्रो लाइफ इन्स्योरेन्स र ओम मेघाश्री फर्मास्यूटिकल्सका लगानीकर्ताहरुले क्रमशः १०–१० प्रतिशतले नाफा कमाए । तर, विन नेपाल लघुवित्तका लगानीकर्ताहरुले सबैभन्दा बढी १० प्रतिशतले घाटा व्यहोरे ।
आज सानिमा माई हाइड्रोको उच्च कारोबार ६० करोड ४८ लाख ६६ हजार बराबरको भएको नेप्सेले जनाएको छ ।
साझा अर्थ संवाददाता
