काठमाडौं। साताको पहिलो कारोबार दिन आज नेपाल स्टक एक्सचेञ्ज (नेप्से) २९.८२ अंकले वृद्धि हुँदै २६९३.१२ विन्दुमा  विन्दुमा पुगेको छ । नेप्सेमा वृद्धि भएसँगै कारोबार रकम पनि बढेर ७ अर्ब ५७ करोड रुपैयाँ बराबरको कारोबार भएको हो। आज जोशी हाइड्रोपावर डेभलपमेन्ट कम्पनीको मूल्य सर्वाधिक अर्थात् ९.९७ प्रतिशतले बढेको छ।
यो दिन लगानीकर्ता जलविद्युत उपसमूहको शेयर मूल्यमा झुम्मिएका छन् । जोशी हाइड्रो पावर, दोर्दी खोला जलविद्युत कम्पनी, कुमारी सबल योजना, तेह्रथुम पावर कम्पनी र गुराँश लघुवित्त वित्तीय संस्थाको शेयर मूल्य ६.१९ प्रतिशतदेखि ९.९७ प्रतिशतसम्मले बढेको छ । यो दिन प्रभु स्मार्ट फण्ड, सामुदायिक लघुवित्त वित्तीय संस्था, कुथेली बुखरी स्मेल हाइड्रो पावर, सयपत्री हाइड्रो पावर कम्पनीको शेयर मूल्य २.०९ प्रतिशतदेखि ५.७९ प्रतिशतले घटेको छन् ।