साझा अर्थ संवाददाता
१५ फागुन २०८१, बिहिवार
काठमाडौंः युनाइटेड इदी मर्दी एन्ड आरबी हाइड्रोपावरको साधारण सभा चैत ११ गते बस्ने भएको छ । हाइड्रोपावरको १५ औं साधारण सभा सो दिन बस्ने भएको हो ।
साधारण सभाले हाल कायम चुक्तापुँजिको ४.२११ प्रतिशतका दरले लाभांश अनुमोदन गर्नेछ । जसमा ४ प्रतिशत बोनस शेयर तथा कर प्रयोजनकालागि ०.२११ नगद लाभांश शेयर धनीले प्राप्त गर्नेछन् ।
साधारणसभाले बोनस शेयर जारीपछि कायम हुने चुक्तापुँजीको १ः१ अनुपातमा हकप्रद शेयर जारी गरी कम्पनीको पुँजी वृद्धि गर्ने विशेष प्रस्ताव पारित गर्ने कम्पनीले जनाएको छ । लाभांश र वार्षिक साधारणसभा प्रयोजनार्थ कम्पनीले फागुन २३ गतेदेखि बुक क्लोज गर्ने निर्णय गरेको छ ।
साझा अर्थ संवाददाता
