साझा अर्थ संवाददाता
१० पुष २०८१, बुधवार
काठमाडौं । कजाकिस्तानमा ६७ यात्रुसहित उडेको विमान दुर्घटनाग्रस्त भएको छ । कजाकिस्तानको विपत् व्यवस्थापन मन्त्रालयले विमान दुर्घटनाको पुष्टि गर्दै २५ जना जीवितै अवस्थामा उद्धार गरिएको जनाएको छ ।
अजरबैजानको राजधानी बाकुबाट रुसको ग्रोज्नीका लागि उडेको अजरबैजान एयरलाइन्सको जे२–८२४३ विमान आँधीबेहरीका कारण ‘डाइभर्ट’ गरिएको स्थानीय सञ्चारमाध्यमले जनाएका छन् ।
विमानमा ६२ यात्रु र चालक दलका पाँच सदस्य गरी ६७ जना रहेको यातायात मन्त्रालयले जनाएको छ । अजरबैजान एयरलाइन्सले सञ्चालन गरेको उक्त विमान अक्ताउ शहर नजिकै खसेपछि आगो लागेको अधिकारीहरूले बताएका छन् ।
साझा अर्थ संवाददाता
