काठमाडौः  प्रधानमन्त्री केपी शर्मा ओली बिम्स्टेक शिखर सम्मेलनमा सहभागी हुन  थाइल्याण्ड  जानु हुने भएको छ । बिम्सटेकको छैटौं शिखरसम्मेलनमा भाग लिने प्रधानन्त्री आगामी भदौ तेस्रो साता थाइल्याण्ड भ्रमणमा जानुहुने भएको हो । 
बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिम्स्टेक) शिखर सम्मेलन आगामी भदौ १९ र २० गते आयोजना हुँदै छ । सरकार प्रमुखको रुपमा ओलीले शिखर सम्मेलनमा सहभागिता जनाउनुहुने बताइएको छ । भ्रमणकालागि तयारी भइरहेको परराष्ट्र मन्त्रालयले जानकारी  दिएको छ ।  बिम्स्टेकमा थाइल्याण्डसहित नेपाल, भारत, बंगलादेश, भुटान, म्यानमार र श्रीलंका सदस्य राष्ट्र छन् । दक्षिण तथा दक्षिणपूर्वी एशियाली मुलुकबीच सहयोग आदानप्रदान गर्ने र व्यापार प्रवर्द्धन गर्ने उद्देश्यले सन् १९९७ जुन ६ मा बिम्स्टेक स्थापना भएको थियो ।  प्रधानमन्त्री बनेपछि ओलीको यो पहिलो विदेश भ्रमण हो ।