काठमाडौँः नेपाली शास्त्रीय सङ्गीत क्षेत्रका परिचित व्यक्तित्व अथक संगित साधक गुरुदेव कामतको ६९ वर्षको उमेरमा आज निधन भएको छ । केही महिनादेखि मिर्गौलामा समस्या देखिएपछि काठमाडौँमा उपचार गराई रहनुभएका कामत आर्थिक समस्याका कारण थप उपचार गर्न नसकेर जन्मथलो सिरहाको पोखरभिन्डा फर्किनुभएको थियो । 
दुई साताअघि जन्मथलो फर्किनुभएका कामतले लहानस्थित अस्पतालमा डायलासिस गराई रहनुभएको थियो । वर्तमान पुस्ताका प्राय चर्चित गायकहरुका गुरु गुरुदेब कामतको निधनले नेपाली संगित क्षेत्रले विशिष्ट साधक गुमाएको छ । दिवङ्गत कामतको श्रीमती, तीन छोरा र एक छोरी हुनुहुन्छ । उहाँको अन्त्येष्टि गाउँमै गरिने बताइएको छ । शास्त्रीय सङ्गीतका गुरु कामत नेपाल-भारत दुवै तर्फ प्रख्यात हुनहुन्छ ।