साझा अर्थ संवाददाता
२८ कार्तिक २०८१, बुधवार
२८ कात्तिक, काठमाडौं । नेपालमा धितोपत्र कारोबार गर्दै आएका ब्रोकर कम्पनीका दुई सस्थाहरु एक आपसमा मर्ज हुने भएका छन् ।
स्टक ब्रोकर एसोसिएसन अफ नेपाल र धितोपत्र ब्रोकर एसोसिएसन नेपालबीच बुधबार साँझ मर्जरसम्बन्धी सम्झौता हुने जनाएको छन् । मर्जपछि बन्ने सस्थाको नाम स्टक ब्रोकर एसोसिएसन अफ नेपाल रहने भएको एक ब्रोकर कम्पनीका सञ्चालकले जानकारी दिए । उनका अनुसार दुई एसोसिएसन मर्जपछि साधारणसभाले नयाँ अध्यक्षसहितका पदाधिकारी चयन गर्नेछ ।
पहिलेदेखि नै सञ्चालनमा रहेका ५० ब्रोकर कम्पनीहरूको एउटा एसोसिएसन र पछिबाट सञ्चालनमा आएका ४० कम्पनीहरुको छुट्टै एसोसिएसन रहँदै आएको थियो ।
साझा अर्थ संवाददाता
