साताको तेस्रो दिन मंगलबार सेयर बजार सूचक नेपाल स्टक एक्सचेञ्ज (नेप्से) ११.२४ अंकले घटेर २७४८.९६ बिन्दुमा बन्द भएको छ।  आज नेप्सेमा कुल ७ अर्ब ७६ करोड रुपैयाँ बराबरको कारोबार भएको छ।  अघिल्लो कारोबार दिन सोमबार नेप्से २२.१४ अंक तथा आइतबार ६२.५४ अंक बढेको थियो । 

मंगलबार कारोबारमा आएकामध्ये ८० कम्पनीको सेयर मूल्य बढ्दा १५७ कम्पनीको घटेको छ भने ७ कम्पनीको सेयर मूल्य भने स्थिर छ।

मंगलबार गुराँस लघुवित्त वित्तीय संस्था, मेन्छीयाम् हाइड्रोपावर, बेस्ट फाइनान्स कम्पनी र एनएलजी इन्स्योरेन्स कम्पनीको सेयर मूल्यमा सकरात्मक सर्किट लागेको छ। यस्तै, गुडवील फाइनान्सको सेयर मूल्य ९.३६ प्रतिशतले घटेको छ।