पछिल्लो १५ महिनामा करिब डेढ लाख बिमा पोलिसी सरेन्डर भएका छन् । नेपाल बीमा प्राधिकरणका अनुसार गत आवको साउनदेखि चालु आवको असोजसम्म  एक लाख ४२ हजार ३३ वटा बिमा पोलिसी सरेन्डर भएका छन् । उक्त संख्यामा पोलिसी सरेन्डर गरेर बिमितले १८ अर्ब ३२ करोड ५९ लाख रुपैयाँ फिर्ता लगेका छन् । त्यसमा गत आव ०८०र८१ मा १४ अर्ब ५० करोड १२ लाखबराबरका एक लाख १३ हजार नौ सय ७६ वटा पोलिसी सरेन्डर भएका थिए । चालू आवको पहिलो त्रैमासमा तीन अर्ब ८२ करोड ४६ लाख रुपैयाँबराबरका २८ हजार ५७ वटा पोलिसी सरेन्डर भएका छन् । यसरी पोलिसी सरेन्डर उच्च हुँदा पनि बिमा पहुँच घटेको प्राधिकरणको भनाइ छ ।

बिमितले सामान्यतः १०, १५, २०, २५ वर्षलगायत अवधि राखेर बिमा गर्छन् । तर, तीन वर्षको किस्ता तिरेपछि बिमितले अवधि नसकिँदै पनि पोलिसी सरेन्डर गरेर रकम फिर्ता लैजान पाउँछन् ।