बाढीेले क्षेतिग्रस्त अप्पर तामाकोशी परियोजनालाई एक महिना भित्र आंशिक सञ्चालन गर्ने तयारी गरिएको छ । कम्पनीले डिस्यान्डरमा थुप्रिएका ढुंगा, लेदोलगायतको थुप्रो हटाइसकेको छ । सो क्षेत्रमा बैकल्पिक विद्युत् पु¥याइएपछि मोटर प्रयोग गरेर बाँध, नहर र डिस्यान्डरमा थुप्रिएको ढुंगा, लेदोलगायतका थुप्रै हटाइएको छ । बायाँ डिस्यान्डरलाई सामान्य मर्मत गरेर अल्पकालीन ९आंशिक० रूपमा सञ्चालन गर्न सकिने देखिएको छ । साथै, त्यहाँ बाँधबाट नहर हुँदै पानी पु¥याउन पनि सकिने देखिएको छ । परियोजनालाई एक महिनामा अल्पकालीन रूपमा सञ्चालन गर्न सकिने देखिएको अपर तामाकोशी हाइड्रोपावरका प्रमुख कार्यकारी अधिकृत मोहनप्रसाद गौतमले बताए ।

 क्षतिग्रस्त संरचनालाई पुनस्र्थापना गर्न भने कम्तीमा ६–७ महिना लाग्ने अनुमान गरिएको छ । अहिले बायाँ डिस्यान्डरलाई अल्पकालीन रूपम सञ्चालन गर्ने र दायाँ डिस्यान्डर तथा कल्भर्ट ९बाँधबाट डिस्यान्डरसम्म पानी पुर्‍याउने भूमिगत नहर० मर्मतको काम अघि बढाउने योजना बढाइएको छ । त्यहाँ ठुला–ठुला ढुंगा पनि रहेका छन्, त्यसलाई केमिकल प्रयोग गरेर फुटाउने तयारी छ । त्यसको पुनर्निर्माण गरेर सकेपछि बायाँ डिस्यान्डर प्रयोग गर्ने र दायाँको डिस्यान्डर तथा कल्भर्टको मर्मत गर्ने योजना बनाइएको छ । तर, कन्ट्रोल बिल्डिङ बनाउन भने केही समय नै लाग्ने देखिएको छ । पुरानो ठाउँमै कन्ट्रोल बिल्डिङ बनाउँदा भविष्यमा पनि यस्ता समस्या आउने जोखिम रहन्छ । तसर्थ, पुरानै ठाउँ वा अन्यत्रै कन्ट्रोल बिल्डिङ बनाउने विषयमा इन्जिनियरिङ परामर्श लिने तयारी भएको कम्पनीको भनाइ छ ।