दोलखाः बागमती प्रदेश सरकारका आर्थिक मामिला तथा योजना मन्त्री कुन्दनराज काफ्लेले बागमती प्रदेश सरकारले आगामी दिनमा दीर्घकालिन योजनामा मत्र बजेट विनियोजन गर्ने बताउनु भएको छ । आज सदरमुकाम चरिकोटमा आयोजित एक कार्यक्रमलाई सम्बोधन गर्दे मन्त्री काफ्लेले सो कुरा बताउनु भएको हो । 
सदरमुकाम चरिकोटमा बागमती प्रदेशद्वारा आयोजना गरिएको राजस्व बाँडफाँट तथा अन्तरसरकारी वित्तीय हस्तान्तरणसम्बन्धी स्थानीय तहसँगको अन्तरक्रिया कार्यक्रमलाई सम्बोधन गर्दै  मन्त्री काफ्लेले प्रदेश र स्थानीय सरकार दुवै मिलेर जनतालाई उत्पादनसँग जोड्न आवश्यक रहेको बताउनुभयो । जनतालाई उत्पादनसँग जोड्न सकिएमात्र देशमा आर्थिक समृद्धी आउने उहाँको भनाई थियो । अर्को एक प्रसंगमा मन्त्री काफ्लेले जिल्लामा नभएका प्रदेश सरकारका कार्यालयहरू जिल्लामा नै स्थापना गर्ने बागमती प्रदेश सरकारले तयारी गरिरहेको जानकारी  दिनुभयो ।