साझा अर्थ संवाददाता
११ चैत २०८१, सोमवार
काठमाडौँ । भिसा कार्ड इन्टरनेसनलले २०८१ सालको दशैंलाई लक्षित गरी सञ्चालन गरेको ‘वेष्ट २५ भिसा स्पेण्डर क्याम्पियन’ मा नबिल बैङ्कका पाँच जना भिसा कार्डवाहक परेका छन् ।
भिसा कार्डमार्फत सबैभन्दा बढी खर्च गर्ने कार्डवाहकहरू शीर्ष २५ मा परेका हुन् । भाग्यशाली बिजेताहरुले एक जोडीका लागि विदेश भ्रमणको दुईतर्फी टिकट प्राप्त गरेको भिसा कार्ड इन्टरनेसनलले बैङ्कलाई जनाएको छ ।
बैङ्कले एक कार्यक्रमको आयोजना गरी पाँच बिजेताहरुलाई सम्मान तथा उपहार वितरण गरेको थियो । कार्यक्रममा बैङ्कका कार्यवाहक प्रमुख कार्यकारी अधिकृत सुजितकुमार शाक्य, वरिष्ठ डेपुटी सिइओ मनोजकुमार ज्ञवाली, डेपुटी सिइओ भुपेन्द्र पाण्डे, रिटेल कारोबार प्रमुख निरज शर्माका साथ भिसा कार्ड प्रतिनिधि आशीष चक्रवर्ती लगायतको उपस्थिति थियो ।
साझा अर्थ संवाददाता
