ललितपुरः  नेपाल समाजवादी पार्टी (नयाँ शक्ति) का  संयोजक एवं पूर्वप्रधानमन्त्री डा बाबुराम भट्टराईले तीव्र आर्थिक विकासलाई मुख्य मुद्दा बनाएर काम गर्न आग्रह गर्नु भएको छ । पार्टीको जिल्ला समन्वय समिति ललितपुरद्वारा आज  आयोजित प्रथम महालक्ष्मी नगरभेलामा उहाँले उक्त आग्रह गर्नु भएको हो ।
भेलालाई सम्बोधन गर्दै भट्राइले गरिब र अभावबाट उकास्नु नै अबको आवश्यकता भएकाे बताउनु भयो ।  । विद्रोहको चरण पार गरेर संविधान र कानुन लेखिएतापन रोजगारी सिर्जना, कृषिको आधुनिकिकरण, घरेलु उद्योगमार्फत उत्पादन वृद्धि गरि देशलाई आत्मनिर्भर बनाउनु आजको आवश्यकता रहेको उहाँको भनाई थियो ।देशभित्रै सूचना प्रविधि र सेवा क्षेत्रलाई प्रोत्साहन गर्दै प्रविधि र सेवाको निर्यात गरी आर्थिक विकास तथा रोजगारी सिर्जना गर्नु पर्नेमा उहाँले जोड दिनुभयो । 
कार्यक्रममा केन्द्रीय महाधिवेशन आयोजक समितिका सदस्य दलबहादुर लिम्बू, पार्टीका ललितपुर जिल्ला समन्वय समिति संयोजक कृष्ण महर्जन, महालक्ष्मी नगर संयोजक सुजन राजथलालगायतले मन्तब्य राख्नु भएको थियो ।