साझा अर्थ संवाददाता
२५ साउन २०८१, शुक्रवार
वीरगञ्जः पर्सामा महिला उद्यमीको नाममा घरेलु तथा साना उद्योग दर्ता गर्ने क्रम बढेको पाइएको छ । घरेलु तथा तथा साना उद्योग कार्यालयका अनुसार आर्थिक वर्ष २०८०/८१ मा तीन सय ९९ महिलाका नाममा घरेलु तथा साना उद्योग दर्ता भएको पाइएको हो । सोही आवमा पुरुषका नाममा पाँच सय ४४ उद्योग दर्ता भएका छन् ।
सरकारले महिला उद्यमीको स्वामित्वमा नयाँ घरेलु तथा साना उद्योग दर्ता गरे ३५ प्रतिशत छुट दिने प्रावधानले महिला उद्यमीका नाममा उद्योग दर्ता गर्ने क्रम बढेको बताइएको छ । छुट पाउने प्रावधानकै कारण महिलाका नाममा उद्योग दर्ता गर्ने क्रम बढेको घरेलु तथा साना उद्योग कार्यालयका प्रमुख धञ्जयकुमार सिंहले बताउनु भयो ।
साझा अर्थ संवाददाता
