काठमाडौं । मंसिर महिनामा ८४ हजार २२६ जना नेपाली वैदेशिक रोजगारीमा जानका लागि श्रम स्वीकृति लिएका छन् ।  वैदेशिक रोजगार बिभागले सार्वजनिक गरेको मंसिर महिनाको तथ्यांक अनुसार ले त्यसमा ४२ हजार ९०६ जना नयाँ श्रम स्वीकृती लिएर वैदेशिक रोजगारमा गएका छन् ।यो संख्या मासिक आधारमा हालसम्मको उच्च हो ।
समीक्षा महिनामा युएईमा सबै भन्दा धेरै २४ हजार ७६९ जना नेपाली कामदार गएको तथ्यांकमा उल्लेख छ । दोस्रो स्थानमा रहेको साउदी अरबमा १८ हजार ११५ र तेस्रो स्थानमा रहेको कतारमा १४ हजार ८४४ जना नेपाली कामदार गएका छन् । समिक्षा महिनामा बिभिन्न १०० मुलुकमा नेपाली कामदार गएका छन् । 

तथ्यांकअनुसार चालु आवको पाँच महिनामा तीन लाख २५ हजार ८०९ जना नेपाली वैदेशिक रोजगारमा गएका छन् । त्यसमा साउनमा ५९ हजार ५७५, भदौमा ५७ हजार ४९३, असोजमा ५३ हजार ५२५, कात्तिकमा ७० हजार ९९० र मंसिरमा ८४ हजार २२६ जना वैदेशिक रोजगारमा गएका छन् ।