साझा अर्थ संवाददाता
२४ साउन २०८१, बिहिवार
पोखराः गण्डकी प्रदेश सरकारले प्रदेशका दूध उत्पादक किसानलाई दूध उत्पादनका आधारमा रु तीन करोड नौ लाख छ हजार अनुदान प्रदान गरेको छ । प्रदेशले गत आर्थिक वर्ष २०८०/८१ मा सो अनुदान प्रदान गरेको हो ।
प्रदेश सरकारले गत आबमा ६४ सहकारी संस्थाबाट १३ हजार नौ सय ६१ मेट्रिक टन दूध उत्पादन भएका आधारमा प्रतिलिटरमा दुई रुपैयाँ ५० पैसा अनुदान दिएको दिएको थियो । सहकारी संस्थाबाट दूध बिक्री गर्ने किसानले मात्र यस्तो सहयोग सरकारबाट पाएको पशुपक्षी तथा मत्स्य विकास निर्देशनालयका महानिर्देशक डा प्रेरणा भट्टराईले जानकारी दिनुुभयो ।
गण्डकी प्रदेश सरकारले दूध उत्पादन प्रोत्साहन सहयोग कार्यक्रममा अनुदान वृद्धि गर्ने योजनाअनुसार गत वर्ष रु छ करोड ५५ लाख बजेट विनियोजन गरेको थियो ।
साझा अर्थ संवाददाता
