साझा अर्थ संवाददाता
१६ मंसिर २०८१, आइतवार
काठमाडौं । इन्टरनेट सेवाप्रदायक नेट म्याक्स टेक्नोलोजिज प्रालि (ललितपुर) को लाइसेन्स खारेज गरिएको छ । कम्पनीको कात्तिक २९ गतेदेखि लाइसेन्स रद्द भएको हो ।
नेपाल दूरसञ्चार प्राधिकरणबाट इन्टरनेट सेवा सञ्चालन गर्न अनुमति लिएको नेट म्याक्सले तोकिएको समयावधिभित्र लाइसेन्स नवीकरण नगरेकाले लाइसेन्स रद्द भएको प्राधिकरणले जनाएको छ ।
साथै, प्राधिकरणले नेट म्याक्सलाई सरकार तथा प्राधिकरणलाई नियमानुसार तिर्न बाँकी रकमसहित ३० दिनभित्र कार्यालयमा सम्पर्क गर्न निर्देशन दिएको छ ।
साझा अर्थ संवाददाता
