काठमाडौं । आईसीएफसी फाइनान्स लिमिटेडले पचास करोड रुपियाँ बराबरको ऋणपत्र निष्काशन गर्ने भएको छ । कम्पनीले पचास करोड रुपियाँ बराबरको ऋणपत्र ‘‘आठ प्रतिशत आईसीएफसी फाइनान्स लिमिटेड डिबेञ्चर २०८९’’ निष्काशन गर्ने भएको छ ।
कम्पनीले ऋणपत्र निष्काशन तथा बिक्री प्रबन्धकको रूपमा कुमारी क्यापिटल लिमिटेडलाई नियुक्त गरेको छ । कम्पनीको बिहीबार आयोजित कार्यक्रममा दुई पक्षले समझौता गरेका छन् ।
सम्झौता पत्रमा आई.सि.एफ.सि फाइनान्स लिमिटेडको तर्फबाट प्रमुख कार्यकारी अधिकृत सुनिल पन्त र कुमारी क्यापिटल लिमिटेडको तर्फबाट प्रमुख कार्यकारी अधिकृत पुष्प शर्माले हस्ताक्षर गर्नुभयो ।
नेपाल राष्ट्र बैङ्क, नेपाल धितोपत्र बोर्ड, कम्पनी रजिष्ट्रारको कार्यालय लगायतका सम्पूर्ण नियामक निकायको स्वीकृति पश्चात् ऋणपत्र निष्काशन गरिने कम्पनीले जनाएको छ ।