काठमाडौंः म्याग्दी जिल्लामा निर्माणाधिन राहुघाट जलविद्युत आयोजनको भौतिक प्रगति  ८१ प्रतिशत पूरा भएको छ । ४० मेघावाट क्षमताको सो आयोजनाको भौतिक प्रगति ८१ प्रतिशत पुगेको हो । 
रघुगंगा हाइड्रोपावर लिमिटेडद्वारा प्रवद्र्धित सो आयोजनाको सिभिल कार्यतर्फ ८१ प्रतिशत काम पूरा भएको आयोजनाले जनाएको छ । यस्तैइलेक्ट्रो मेकानिकल तर्फ ५० प्रतिशत काम सम्पन्न भइसकेको आयोजनाको भनाई रहेको छ । पुष मसान्त सम्ममा आयोजना सम्पन्न गर्ने लक्ष्य प्रवद्र्धक कम्पनीको रहेको छ । आयोजनाको कुल लागत ९ अर्ब १७ करोड २६ लाख रुपैयाँ रहेको छ ।  आयोजनाबाट उत्पादित विद्युत दाना– कुस्मा २२० केभी प्रसारण लाईनमा जोडिने छ ।