साझा अर्थ संवाददाता
८ जेठ २०८२, बिहिवार
काठमाडौं । प्रधानमन्त्री तथा मन्त्रिपरिषद् कार्यालयअन्तर्गतको सार्वजनिक खरिद अनुगमन कार्यालयले काम नगर्ने तीनवटा निर्माण व्यवसायी तथा आपूर्ति कम्पनीलाई कालोसूचीमा राखेको छ ।
कार्यालयको जेठ ७ गतेको निर्णयअनुसार कालोसूचीमा पर्ने कम्पनीहरूमा यज्ञश्वरी निर्माण सेवा (बाँके) एसियन कन्स्ट्रक्सन एन्ड इन्जिनियरिङ कन्सल्टेन्सी प्रालि (काठमाडौं) र न्यू तुलसी निर्माण सेवा (सल्यान) रहेका छन् । कालोसूचीमा परेका कम्पनीहरु कम्तीमा एक वर्षदेखि दुई वर्षसम्म कुनै पनि सार्वजनिक निकायको खरिद कारबाहीमा सहभागी हुन नपाउने कार्यालयले जारी गरेको सूचनामा उल्लेख छ ।
साझा अर्थ संवाददाता
