शनिबार भारतीय वित्तमन्त्री निर्मला सीतारमणले सन् २०२५र२६ को वार्षिक बजेट सार्वजनिक गर्दै नेपाललाई सात अर्ब भारतीय रुपैयाँ अनुदान दिने घोषणा गरेकी छिन् । यसअघि चालू आव सन् २०२४/२५ को वार्षिक बजेटमा समेत नेपालका लागि सात अर्ब भारु अनुदान विनियोजन गरिएको थियो । 

भारतले विदेशी नीति कार्यान्वयनका लागि केही देशहरूलाई ऋण तथा अनुदान उपलब्ध गराउँदै आइरहेको छ । नेपाललाई सन् ०२३/२४ मा  ६ अर्ब ५७ करोड भारु अनुदान घोषणा गरिएको थियो । सन् २०२४/२५ मा त्यसलाई बढाएर सात अर्ब भारु पुर्‍याइयो । आगामी आव २०२५/२६ का लागि पनि सात अर्ब भारु नै घोषणा गरिएको छ । भारतले दक्षिण एसियामा सबैभन्दा बढी भुटानलाई २१ अर्ब ५० करोड भारु अनुदान घोषणा गरेको छ । सबैभन्दा कम अफगानिस्तानलाई एक अर्ब भारु अनुदान घोषणा गरेको छ । माल्दिभ्सलाई ६ अर्ब, श्रीलंकालाई तीन अर्ब र बंगलादेशलाई एक अर्ब २० करोड भारु अनुदान घोषणा गरिएको छ ।