डिआईटी सोलुसन प्रालि र चाबहिलस्थित आदिम नेशनल कलेजबीच सूचना प्रविधि (आईटी)  विद्यार्थीहरूलाई  इंटर्नशिप र रोजगारीको अवसर प्रदान गर्न  समझदारीपत्रमा हस्ताक्षर भएको छ। दुई सस्थाबीच भएको सहकार्यले  विद्यार्थीहरूलाई व्यावहारिक अनुभव र प्राविधिक सीप हासिल गर्न मद्दत पुर्याउनुका साथै रोजगारीका अवसरहरू प्रदान गर्ने जनाइएको छ ।  सो अवसरमा डिआईटी सोलुसनका प्रमुख कार्यकारी अधिकृत सुदीप घिमिरेले भने, “यस सहकार्यले आईटी क्षेत्रमा नयाँ सम्भावना सिर्जना गर्नेछ। विद्यार्थीलाई व्यावसायिक जीवनमा अघि बढ्न आवश्यक सीप र अनुभव दिन हामी प्रतिबद्ध छौँ।” त्यस्तै, आदिम नेशनल कलेजका कार्यकारी निर्देशक मिना भट्टाराईले भनिन्, “यो सहकार्यले विद्यार्थीलाई आईटी क्षेत्रमा प्रत्यक्ष अनुभव दिलाउने र उनीहरूको करियरमा महत्वपूर्ण योगदान दिनेछ।”