साझा अर्थ संवाददाता
१८ असार २०८३, बिहिवार
काठमाडौँ, १८ असार : ठमेल क्षेत्रबाट पाँच विदेशी महिलालाई प्रहरीले पक्राउ गरेको छ । सो क्षेत्रमा मा अश्लिल क्रियाकलापमा लाग्ने ति महिलाहरुलाई प्रहरी वृत्त लैनचौरबाट खटिएको प्रहरी टोलीले पक्राउ गरेको हो ।
ठमेलमा अश्लील क्रियाकलापमा संलग्न भएको र प्रहरीमाथि दुर्व्यवहार गरेको आरोपमा पाँच जना विदेशी महिलालाई पक्राउ गरेको प्रहरीले जनाएको छ । पक्राउ पर्नेमा चार युगान्डाका र एक इण्डोनेसियाका नागरिक रहेका छन् ।
ति महिलाहरुले ठमेलस्थित सडकमा बाटो हिँड्ने स्वदेशी तथा विदेशी पुरुष पर्यटकलाई अनावश्यक रूपमा बाटो छेकेर अश्लील क्रियाकलापका लागि मोलमोलाई गरी दुःख हैरानी दिइरहेको अवस्थामा पक्राउ गरिएको प्रहरीको भनाई रहेको छ ।
