दोलखा, ३१, बैशाखः दोलखा उद्योग वाणिज्य संघको आज निर्वाचन हुँदै छ । संघको १६ औं अधिवेशन अन्तर्गत आज निर्वाचन हुन लागेको हो । 
संघको अध्यक्षमा सनत थापा तथा दिनेश पाठकले आ–आफ्नो प्यानल सहित उमेद्वारी  दिनु भएको छ । काँग्रेस तथा नेपाली कम्युनिष्ट पार्टी निकट ब्यावसायीहरुको समर्थन थापाको प्यानललाई तथा पाठक प्यानललाई राष्ट्रिय स्वतन्त्र पार्टी निकट ब्यावसायीहरुको समर्थन रहेको बताइएको  छ । 
विहान १० बजेबाट मतदान प्रारम्भ हुने निर्वाचन अधिकृत राजेन्द्रनारायण श्रेष्ठले जानकारी दिनुभयो । मतदान समाप्त पछि मतगणना प्रारम्भ गरिने अधिकृत श्रेष्ठको भनाई रहेको छ । दोलखा उद्योग वाणिज्य संघमा कुल एकहजार ३६ जना सदस्य रहेका छन् ।