काठमाडौं । सर्वोत्तम सिमेन्ट लिमिटेड (SARBTM) ले आर्थिक वर्ष २०८१/८२ का लागि २० प्रतिशत लाभांश वितरण गर्ने प्रस्ताव गरेको छ। कम्पनीको सञ्चालक समितिको बैठकले १५ प्रतिशत नगद लाभांश र ५ प्रतिशत बोनस शेयर सहित कुल २० प्रतिशत लाभांश प्रस्ताव गरेको हो।

कम्पनीले प्रस्ताव गरेको १५ प्रतिशत नगद लाभांश बराबर करसहित रु. ७४.६३ करोड र ५ प्रतिशत बोनस शेयर बराबर रु. २४.८७ करोड हुन्छ। हाल कम्पनीको चुक्ता पुँजी रु. ४.९७ अर्ब रहेको छ। उक्त लाभांश प्रस्ताव आगामी वार्षिक साधारणसभा (AGM) ले अनुमोदन गरेपछि मात्र वितरण हुनेछ। कम्पनीले अघिल्लो आर्थिक वर्ष २०८०/८१ मा १० प्रतिशत नगद लाभांश प्रदान गरेको थियो।