काठमाडौंः नेपाल धितोपत्रबोर्डका नवनियुक्त अध्यक्ष सन्तोषनारायण श्रेष्ठले शेयर लगानीकर्ताको सुरक्षालाइ पहिलो प्राथमिकतामा राखेर काम गर्ने प्रतिवद्धता जनाउनु भएको छ । आज अध्यक्षको कार्यभार सम्हाल्दै श्रेष्ठले सो प्रतिवद्धता जनाउनु भएको हो । 
पदभार ग्रहणपछि अध्यक्ष श्रेष्ठले सर्वसाधारण शेयर लगानी कर्ताको लगानी सुरक्षित गर्ने तर्फ आफुलाग्ने बताउनुभयो । यस्तै नयाँ स्टक एक्सचेञ्ज स्थापना प्रकृया सरकारको नीति अनुरुप अगाडि बढ्ने उहाँको भनाई थियो । पाइपलाइनमा रहेका आइपीओ निश्काशनकालागि आफूले प्रकृया अगाडि बढाउने उहाँले बताउनु भयो । हाल ७७ कम्पनीको आईपीओ निश्काशन हुने क्रममा पाइपलाईनमा रहेका छन् ।

पुँजीबजारमा रहेका समस्याको अल्पकालीन, मध्यकालीन र दीर्घकालीन हिसाबले प्राथमिकतामा राखेर पुँजीबजार विकासको काम आफुले गर्ने अध्यक्ष श्रेष्ठले उक्त अवसरमा बताउनु भयो । साथै पुँजीबजारको भूमिका र दायरा बढाउँदै लैजानुपर्ने आवश्यकतामा उहाँले जोड दिनुभयो ।