काठमाडाै‌ः अमेरिकी सेनाले हर्मुज जलडमरूमध्य पुनः खुला गर्ने क्रममा इरानी साना नौकाहरूमाथि कारबाही गरेको छ। अमेरिकाले इरानी पक्षका छ वटा नौकाले नागरिक जहाजलाई लक्षित गरेको आरोप लगाएको छ। दुई अमेरिकी झण्डा बोकेका व्यापारी जहाज सुरक्षित रहेको अमेरिकी स्रोतले जनाएको छ।

यसैबीच, यूएईको रक्षा मन्त्रालयले १५ मिसाइल र चार ड्रोन रोकेको बताएको छ। पूर्वी फुजैराह क्षेत्रमा ड्रोन आक्रमणबाट तेल सुविधामा आगलागी हुँदा तीन भारतीय घाइते भएका छन्। बेलायती सैन्य निकायले यूएई नजिक दुई कार्गो जहाजमा आगलागी भएको पुष्टि गरेको छ।

इरानले घटनाको पुष्टि वा अस्वीकार नगरी कूटनीतिक प्रतिक्रिया दिएको छ। विदेशमन्त्री अब्बास अराघचीले अमेरिका र यूएईलाई ‘नयाँ द्वन्द्वमा नपर्न’ चेतावनी दिएका छन्। इरानी सञ्चारमाध्यमले यूएईलाई लक्षित नगरिएको दाबी गरेको छ।

हर्मुज जलडमरूमध्य विश्व ऊर्जा आपूर्तिको महत्वपूर्ण मार्ग हो। विश्लेषकहरूले यस घटनाले युद्धविराम कमजोर पारेको र मध्यपूर्वको सुरक्षा अवस्था संवेदनशील बनाएको बताएका छन्। अमेरिकाले व्यापारिक मार्ग सुरक्षित राख्न प्रयास जारी राख्ने र क्षेत्रीय देशहरूलाई तनाव नबढाउन आग्रह गरेको छ।