काठमाडौंः कालिञ्चोक दर्शन लिमिटेडको साधारण सभा पुष १५ गते बस्ने भएको छ । कम्पनीको संचालक समितिको बैठकको निर्णय अनुसार गतवर्षको मुनाफा बाट  दिइने मुनाफा पारित गर्ने लगायतका निर्णय पारित गर्न ११ औं वार्षिक साधारण सभा बस्न लागेको हो । 
सधारण सभाले हाल कायम चुक्ता पूँजीको ५ प्रतिशत बोनस शेयर र सोको कर प्रयोजनार्थ ०.२६३ प्रतिशत नगद लाभांश वितरण गर्ने विशेष प्रस्ताव पारित गर्नेछ । साथै साधरण सभाले बोनस शेयर वितरणपश्चात कायम चुक्ता पूँजीको शतप्रतिशत हकप्रद शेयर निष्काशन गर्ने, प्रबन्धपत्र तथा नियमावली संशोधनका लागि सञ्चालक समितिलाई अख्तियारी दिने लगायतका प्रस्ताव पारित गर्ने बताइएको छ । 
लाभांस वितरण प्रयोजनकालागि कम्पनीले पुष १ गते बुक क्लोज गर्दै छ  ।