साझा अर्थ संवाददाता
१० असोज २०८१, बिहिवार
चालू आर्थिक वर्ष ०८१/८२ को भदौ महिनामा ५० ग्राम मात्रै सुन आयात भएको छ । मूल्य बढेका कारण ग्राहकबाट सुनका गरगहनाको माग न्यून छ । त्यसले गर्दा सुनको आयात नभएको व्यवसायीहरू बताउँछन् ।
पहिलो महिना साउनमा एक सय केजी १०५ ग्राम सुन आयात भएको थियो । त्यसको मूल्य भने एक अर्ब चार करोड २७ लाख ६६ हजार रुपैयाँ थियो । भदौमा पाँच लाख २३ हजार रुपैयाँको ५० ग्राम मात्रै सुन आयात भएको देखिन्छ ।
गत आवको साउनमा २०० र भदौमा ३०० केजी सुन आयात भएको थियो । विभागका अनुसार गत आवभर २३ अर्ब ६५ करोड ३९ लाख रुपैयाँको दुई हजार ६५२ केजी सुन आयात भएको थियो ।
साझा अर्थ संवाददाता
