काठमाडौंः एपोलो हाइड्रोपावर लिमिटेडको आइपीओ चैत्र २६ गते देखि शेयर निष्काशन तथा विक्री खुल्ला हुने भएको छ । सर्वसाधारणकालागि सो आइपीओ निष्काशन तथा विक्री खुल्ला हुने भएको हो । 
कम्पनीले आयोजना प्रभावित क्षेत्रका स्थानिय बासिन्दा तथा वैदेशिक रोजगारीमा रहेका नेपालीहरुका लागि अइपीओ निष्काशन गरी यस अघिनै  बाँडफाँड समेत गरिसको छ । कम्पनीले ७ करोड ८० लाख २० हजार रुपैयाँबराबरको प्रतिशेयर १०० रुपैयाँ अंकित मूल्यका ७ लाख ८० हजार २०० कित्ता साधारण शेयर सर्वसाधारणहरुकालागि निष्काशन तथा विक्री खुल्ला गर्न लागेको जनाएको छ ।  
कम्पनीले ६ मेगावाट क्षमताको बुकु खोला जलविद्युत आयोजनाको सञ्चालन गरेको छ । कम्पनीको शेयर निष्काशन तथा बिक्री प्रबन्धक हिमालयन क्यापिटल लिमिटेड रहेको छ।