काठमाडाै: पिपुल्स पावर लिमिटेडको ३९ लाख कित्ता बढी शेयरको लकइन अवधि २०८२ भदौ १२ गते समाप्त हुने भएको छ।

कम्पनीको संस्थापकले धारण गरेको ३२ लाख २६ हजार कित्ता , आयोजना प्रभावित स्थानीयको नाममा रहेको ६ लाख ३२ हजार ६ सय कित्ता र कम्पनीका कर्मचारीसँग रहेको ४९ हजार ३ सय ४८ कित्ता गरि कुल ३९ लाख ७ हजार ९ सय ४८ कित्ता शेयरको लकइन अवधि खुल्न लागेको हो।

सार्वजनिक निष्काशन गरि शेयर बाँडफांड गरेको ३ वर्षसम्म कम्पनीको संस्थापक, र कम्पनीका कर्मचारीले शेयर बिक्री गर्न नपाइने गरि लकइनमा राख्नु पर्ने व्यवस्था छ। लकइन अवधि खुलेपछि भने संस्थापक, र कर्मचारीले ति शेयर बिक्री गर्न सक्ने छन्। कम्पनीका संचालकले भने शेयर बिक्री गर्न पाउने छैनन्।