काठमाडौं, कात्तिक २८ । आशा लघुवित्त वित्तीय संस्था लिमिटेड (ALBSL) ले आर्थिक वर्ष २०८१/८२ का लागि १० प्रतिशत लाभांश वितरण गर्ने प्रस्ताव गरेको छ। कात्तिक २८ गते बसेको सञ्चालक समितिको १७८औँ बैठकले सो लाभांश प्रस्ताव गर्ने निर्णय गरेको हो।

प्रस्तावित लाभांशअन्तर्गत ९.५ प्रतिशत बोनस शेयर तथा ०.५ प्रतिशत नगद लाभांश (करसहित) वितरण गरिनेछ। ९.५ प्रतिशत बोनस शेयरको मूल्य करिब रु. ६.९६ करोड तथा ०.५ प्रतिशत नगद लाभांशको रकम करिब रु. ३६.६५ लाख हुने लघुवित्तले जनाएको छ। लाभांश कम्पनीको रु. ७३.३० करोड चुक्ता पुँजीबाट वितरण गरिनेछ।

उक्त लाभांश प्रस्ताव नेपाल राष्ट्र बैंकको स्वीकृति तथा कम्पनीको आगामी वार्षिक साधारणसभा (AGM) बाट अनुमोदन भएपछि मात्र लागू हुनेछ।