काठमाडौँ, ११ असार 

नेपाली सुनचाँदी बजारमा आज असार  ११ गते सुनको मूल्यमा ठूलो गिरावट आएको छ। नेपाल सुनचाँदी व्यवसायी महासंघका अनुसार छापावाल सुनको मूल्य तोलामा ५ हजार २०० रुपैयाँले घटेर प्रतितोला २ लाख ७८ हजार ३०० रुपैयाँ कायम भएको छ। अघिल्लो दिन छापावाल सुन प्रतितोला २ लाख ८३ हजार ५०० रुपैयाँमा कारोबार भएको थियो।

यसैगरी तेजाबी सुनको मूल्य पनि तोलामा ५ हजार २०० रुपैयाँले नै ओरालो लागेर प्रतितोला २ लाख ७७ हजार ६०० रुपैयाँमा झरेको छ। अघिल्लो दिन यसको मूल्य प्रतितोला २ लाख ८२ हजार ८०० रुपैयाँ रहेको थियो। सुनसँगै चाँदीको मूल्यमा पनि तीव्र गिरावट देखिएको छ। चाँदी तोलामा २५० रुपैयाँले घटेर प्रतितोला ४ हजार २३५ रुपैयाँ कायम भएको छ, जबकि अघिल्लो दिन चाँदी प्रतितोला ४ हजार ४८५ रुपैयाँमा बिक्री भएको थियो।